Раиси ҷумҳурии Тоҷикистон рӯзи панҷшанбе дар ҷашни ҷаҳонии ҳавзаи наврӯз дар Кобул гуфт: Наврӯз падидае аст, ки ҷаҳон маънои худро дар он наҳуфта аст.
Ба гузориши ИРНА аз Кобул, Эмомалӣ Раҳмон – раиси ҷумҳурии Тоҷикистон дар ҷашни ҷаҳонии Наврӯз дар Кобул кишварҳоро ба эътидол фаро хонд ва гуфт: Ифрот ва тафрит омили бадбахтии инсонҳост ва бунёди фарҳангӣ ва сиёсии давлатҳоро мутазалзил мекунад.
Эмомалӣ Раҳмон сифати эътидолро аз сифатҳои исломӣ, ақлонӣ, созанда ва омиле барои рушд ва саодати инсонҳо донист.
Вай афзуд: Кишварҳои минтақа бояд бо ҳамгароии бештар барои рушди иқтисодӣ дар заминаҳои энержӣ, об, барқ, газ, роҳи оҳан ҳамкорӣ кунанд ва барои беҳтар шудани зиндагии мардуми минтақа қадам бардоранд.
Раиси ҷумҳурии Тоҷикистон хоҳони афзоиши нақши кишварҳои минтақа аз тариқи эҷоди роҳҳои тронзитии кишварҳои Осиёи Марказӣ бо Осиёи Ҷанубӣ шуд ва афзуд, ин бо ҳамкории содиқона имконпазир аст.